شعر بالدارجة الجزائرية

حبيت نعيط و بصوتي نهدر .............. نكون احرف و بيهم جمل
حبيت نعيط و بصوتي نكسر ......................... حاجز الصمت الي ما خلاني نكمل
حبيت ننطق و نقول الصح المر .................... في زمان كثر فيه المرار و الذل
كي جيت ننطق و نقول الصح المحير ............ نطقت اول حرف و ياريتو كان الاخير ماشي الأول
دارولي كلمة **قف** باللون الاحمر ............. خلاص فهمت ....... الكلام في هاذ الزمان ولى و همل
بديت نبكي كانو دموع قد البحر ..................... بصح عرفت بلي الدموع ما رايحة والو تعمل
شاف فيا بني آدم هاذاك المتكبر ....................... بدا يضحك عليا أنا !!!؟؟؟ و هو على روحو يغفل
عندهم الحق ناس بكري نهار الي قالو للمهموم عليك بالصبر ............... صح الصبر مفتاح الفرج هكذا قال المثل
حليت عينيا مليـــــــــــــح مليح و بديت نخزر .............. نضت استغفرت من المولى عز و جل
صليت زوج ركعات و فيهم نشكر ...................... رفعت يديا للسما و لربي نتوسل
يا رب العباد اعطيني الصبر .................... و ارزقني بالرزانة و العقل
يا القــــــــــادر يا المقدر .............. خليني نشد في دينك و في طريقك نكمل
قلبي باغي يتطور .............. حاب يشوف المستقبل
ياخي يقولو تفائلو خيرا تجدو خير .......... خلي قلبي يشوف للقدام و يعمل
ارمي عليك لهموم و الكلام المودر.............. الي ما راح يجيب لا مليح و لا باطل
يا خويا راك حاب تشوف الهنى و تتطور ......... اعفس على قلبك و على ظهرك احمل
هكذا قال القانون بالاك تتبحر ...... اليوم راه ليهم و غذوا ربي الي يعلم
حل عينيك بالاك تتحسر ....... و خلي الكلام في قلبك و عليه اقفل
كل شيء في الدنيا فاني يتبخر ......... و ما يبقى غير الصح و العمل
ايــــه يا الدنيا البارح اديتي سيادك و ارميتيهم في القبر و ما خليتي عليهم خبر ......... و اليوم جايا تلعبي بيا بسلاح سميتيه المال و الحيلة
الدولار لورو و الدينار ......... سكنتي قلوب الناس و خليتيهم بيك مهابل
يا الزاوالي بالاك تستسلم اعفس على قلبك و تحمل الضر ....... هاذ الخطرة ليهم و غذوا ليك تتنعم
لوكان حاب تعيط و بصوتك تهدر ...... ما تسمع للناس ما روحك تقتل
لوكان حاب تنطق و تقول الحق المر ...... غمض عينيك و في طريقك كمل
يوم يجيب يوم و انت ماراك تحس ... انت راك تكبر ................ شد في دينك و على الرسول صلي و سلم
امحي لون الحزن و ذكريات الفقر ................ امحي الي فات و خمم في المستقبل
ربي انت هو العالي درت القضاء و القدر ............ جوز علينا قضائك بلطفك و حنا عليك رانا نتوكل
يا انسان ما تخليش قارب حياتك يتكسر ........... و سبابو حجرة اليأس .. بصح خلي مجذاف و سمو الأمل

من انشاء و تحرير .......آسيا او sirene19

شكرا على المرور العطر نورت الصفحة